Dimmar-ay laeng iti misa ni Presidente Ferdinand Marcos Jr tapno rambakan ti maika-36 a death anniversary ti ama na a ni Apo Lakay wenno ni sigud a Presidente Ferdinand Marcos Senior sadiay Immaculated Conception Parish idiay Batac City, Ilocos Norte idi kalman, aldaw ti Dominggo.
Kadwa iti presidente a dimmar-ay ti misa ket ti anak daitoy a ni William Vince “Vinny” Araneta Marcos kasta met ti kasinsin na a ni Ilocos Norte Governor Cecilia Araneta Marcos.
Iti sabali a bangir, nupay saan a nakadar-ay ket indalan lattan ni Senador Imee Marcos iti social media iti pammadayaw ken panagbigbig iti ama da.
Nagserbi ni Apo Lakay ditoy Pilipinas iti 20 a tawen manipud 1965 agingga 1986 ken pimmusay met iti tawen 1989 iti edad a 72-anyos.
