Saan nga kaaklon-aklon para kenni Presidente Ferdinand Marcos Jr. nga i-bully ken iharass dagiti gangganaet dagiti Pilipino iti bukod a pagilian tayo.
Nakadanonen kenni Presidente Marcos iti nasao nga insidente nu sadino ket binully ken hinarass ti Russian-American vlogger a ni Vitaly Zdorovetskiy ti sumagmamano nga umili a Pilipino.
Gapo iti daitoy ket dagos a pinagaraw ti Presidente dagiti otoridad a nangiyuswat met ti joint operation ti PNP CIDG kadwa ti Bureau of Immigration tapno matiliw ni Vitaly Zdorovetskiy a maysa nga lastog a vlogger.
Mabuya iti social media post ti Russian-American vlogger nu kasatno a bastosen na dagiti Pilipino ken awan pulos ti pakakitaan ti panagraem na iti paglintegan ti pagilian.
Impasiguro ti Presidente ti proteksiyon dagiti karbengan dagiti umili a Pilipino manipud iti gangganaet nga awan ti respeto na.
Segun kenni Palace Press Officer Undersecretary Claire Castro, sumango ni Zdorovetskiy iti kaso kriminal ken ti kadwa na a Filipino cameraman.
Nagballaag ti Palasyo kadagiti gangganaet a turista ditoy pagilian a suruten ken raemen ti linteg ti Pilipinas.
Panawagan pay ni Castro kadagiti content creators nga agbalin nga responsable kadagiti contents da gapuanan ta responsibilidad dagitoy a mangipaay ti umiso nga impormasyon ken saan a dadaelen ti gobierno nga awan ti basaran.
Imbatad met ni Undersecretary Castro a maipadeport ti Russian-American vlogger kasta met a maideklara daitoy a Persona non Grata.
