Saanen a masdaaw ni Presidente Ferdinand Marcos Jr. iti panagkontra ti China iti baro a linteg ti pagilian a Philippine Maritime Zones Act ken Archipelagic sea lanes law.
Namnamaenen daitoy ti Presidente kalpasan a nagpakdaar ti China a ti napirmaan a linteg ket mabalin a mangigubuay iti nakarkaro a tension iti paset ti West Philippine Sea.
Nupay kasta, impaganetget ni Presidente Marcos a kasapulan nga itultuloy a protektaran ti soberanya ken sovereign rights ti pagilian.
Napateg kinunana a ti dua a linteg agsipud ta daitoy iti mangibaga iti boundaries wenno beddeng ti teritoryo ti Pilipinas.
Maipalagip nga inawagan nga illegal ken invalid ti Chinese Foreign Ministry ti panangpadas nga i-whitewash ti Pilipinas dagiti illegal claims ken aksyon idiay West Philippine Sea kasta met nga impaawag da payen ti Ambassador ti Pilipinas idiay China.
