Sinangaili ni Presidente Ferdinand R. Marcos Jr. dagiti delegado manipud Philippines-Japan Economic Cooperation Committee (PHILJEC) para ti 14th Asian Business Summit (ABS) kabayatan ti courtesy call sadiay President’s Hall, Malacañan Palace idi aldaw ti Huebes, Hulyo 3, 2025.
Iti ababa a mensahe ti Presidente ket impaganetget na ti panagbalin a resiliente maipanggep ti ekonomiy iti kangitingitan dagiti sangalubongan karit, kas repleksyon kadagiti ada idi pandemya.
Inlawlawag na ti panagbalin a nakapsot ti supply chain a kunana ket agkasapulan pay ti natibtibker nga regional interdependence wenno panagdepende ti maysa ken maysa tunggal adda dagiti saan a mapakpakadaan a problema.
Laksid dagiti sangsangwen a karit ket impeksa met ni Presidente Marcos Jr. ti panagbalin a positibo na iti regional cooperation. Impasiguro na a ti panagkumit ti Pilipinas maipanggep ti panangtaripato ti resiliente a relasyon pang-ekenomiya ken sustainable development babaen kadagiti agtultuloy a dialogue.
Rambakan ita a 14th Asian Business Summit (ABS) ti maikadua a panag-host ti Pilipinas manipud idi tawen 2014. Inorganisar daitoy ti PHILJEC ken sinuportaran pay ti Keidanren ti Japan; intal-o ti Summit ti dumakdakkel nga akem ti pagilian kas key investment hub ditoy Asya.
