Pinaregta ni Presidente Ferdinand Marcos Jr, dagiti Filipino registered voters kasaruno ti bisperas ti eleksyon inton bigat nga agbalin a nawais a nu agbotos ket pilien dagiti kandidato nga adda kabaelan na ken malasakit.
Nagpanawagan pay ti Presidente nga usaren dagiti Pilipino ti karbengan da nga agbotos a responsable ken protektaran ti integridad ti demokratiko a proseso ti pagilian.
Impaganetgget ti Presidente a ti eleksyon ket agpada a karbengan ti tunggal umili a Pilipino ken gundaway tapno mangngegan ti timek ken tarigagay para ti maysa a nasayaat a pagilian.
Kinunana a nupay nagduma ti perspektibo ken opinyon ti politika ti tunggal maysa ket paset met daitoy ti sistema ti demokrasya.
Nagduduma man ti pammati ken opinyon ket saan a rumbeng nga agtungpal iti gulo, tensyon, ken pammutbuteng, isu ket nagapela ti Presidente iti panagkaykaysa tapno masiguro ti nakapia nga eleksyon.
Mapatta-patta nga agingga 70-M iti registered voters nga agbotos inton bigat. Kiniddaw ti Presidente iti am-amin nga agtinnulong tapno mapagtalinaed iti natalged ken patas a panagbotos.
