Impasiguro ti Philippine Coast Guard nga agtultuloy latta ti panangiatulod da ti barko a panggubat kadagiti mapagsusupitan a teritoryo idiay West Philippine Sea.
Kinuna ti hanay a tungpalen da ti inkari da ti publiko a pagtalinaeden ti presensya ken panaglayag ti teritoryo ti Pilipinas.
Segun kenni Commodore Jay Tarriela, spokesperson ti Philippine Coast Guard, ti addang ket tapno saan a masabotahe ti pagbiagan dagiti Pilipino a mangngalap isu ket manamnama pay dagiti kanayunan a coast guard vessels para ti kinatalged da.
Impalagip na a kadagiti naglabas a tawen ket adu dagiti naipadamag nga insidente ti panagharass wenno pananggipit kadagiti Pilipino a tarigagay laeng nga agkalap ngem napaay ti gobierno a maipaayan da iti tulong.
Gapo iti dayta ket impannnakkel ti PCG a sabali itan ti diskarte agsipud ta apaman makapadpadas dagiti mangngalap ti aniaman a panagabuso ket adda nga dagos ti hanay da nga umasistar ken mangipadanon iti rescue.
Innayon na pay a kadwa da mismo ni Presidente Ferdinand ‘Bongbong’ Marcos Jr. ken ti Armed Forces of the Philippines para ti panagtalinaed ti kinakapia sadiay West Philipine Sea.
