LA UNION – Addan ti barko a naisukat iti BRP Teresa Magbanua, tapno agpatrolya idiay Escoda Shoal.
Daytoy iti kinumpirma ni National Maritime Council Spokesperson Alexander Lopez.
Ngem nagkedked ni Lopez a dakamaten nu anya a barko ti Philippine Coast Guard ti naisukat iti BRP Teresa Magbanua.
Segun kenni Lopez, ti panangipatulod da ti baro a barko ket kasaruno iti impaulog a direktiba ni PCG Commandant Ronnie Gil Gavan.
Napinget ti bilin kadakuada ni President Ferdinand Marcos Jr. a pagtalinaeden ti physical ken strategic presence ti Pilipinas iti lugar.
Kabilang kadagiti nasao a modalities ti AFP ken PCG ket iti technical coverage, nga addaan kabaelan a ma-monitor ken ma-detect iti anyaman nga illegal nga aktibidad iti lugar, babaen ti tulong iti kaalyado a pagilian a kas ti Japan ken US.
Inlawlawg ni Lopez a humanitarian ti makagapo nu apay a naisubli iti homeport iti BRP Magbanua, saan ketdi a nag withdraw ti Pilipinas iti karbengan na idiay Escoda shoal.
Naamwan nga agsak-sakiten dagiti crew ti BRP Magbanua ken agkasapolan da ti dagus nga atensyon medikal.
