BR LA UNION – Siniguro ti Philippine Coast Guard (PCG) iti agtultuloy a napinget a panangmanman dagiti aktibidad ti barko ti China Coast Guard (CCG) nga adda iti kabaybayan ti Zambales tapno masiguro nga agtultuloy a makapag-kalap ken agtultuloy ti pagbiagan dagiti mangngalap sadiay.
Iti imbinglay nga update ni PCG spokesperson for the West Philippine Sea Commodore Jay Tarriela idi rabii ti Biyernes, Enero 10, agtalinaed a naka-deploy iti barko ti PCG a BRP Teresa Magbanua iti bisinidad asideg iti Chinese Coast Guard vessel 3304 nga iligal nga aglaylayag iti mapatta-patta a 70-80 nautical miles iti kabaybayan ti Zambales.
Iti presensiya ti barko ti Pilipinas ket maiyannruot iti standing policy direction ni President Ferdinand Marcos Jr. nga addaan tarigagay a lapdan iti normalisasyon ken legalisasyon ti illegal actions ti CCG a mabalin nga agbanag iti panangipa-pilit ti kontrol iti nasao a kabaybayan.
Mainaig ti daytoy, iti agtultuloy a panagbantay ti BRP Teresa Magbanua iti nasao a kabaybayan ket agserbi a maysa a proaktibo nga adda tapno masiguro a maipatungpal dagiti mangngalap a Pilipino iti aktibidad da nga awan ti pangta ti panangharass wenno pammutbuteng.
Nupay kasta, iti deployment ti BRP Teresa ket panangipakita ti commitment iti panangsubaybay ken panang-patalinaed ti presensiya na tapno lapdan dagiti iligal nga aktibidad ti CCG kagiddan ti panagtulnog iti prinsipyo ti panagteppel ken awan ti probokasyon.
