Inlawlawag ni Presidential Communications Office (PCO) Secretary Jay Ruiz a naimbitaran laeng isuna iti kasangay ti maysa a social media content creator, nga isu iti ladawan nga agwarwaras a kadwa na ti tao ti negosyante a ni Atong Ang – ti maitudtudo a mastermind ti pannakapukaw dagiti mammallot ditoy pagilian.
Segun kenni Palace Press Officer Undersecretary Claire Castro, naibaga kenkuada ni Ruiz nga inawat na ti imbitasyon ken innayon a saan na metten a kontrolado pay dagiti dadduma a naimbitaran.
Maibasar iti agwarwaras a ladawan, kadwa ni Alan Bantiles da Ruiz kasta met isuda Senador Erwin Tulfo ken Chavit Singson iti nagsina nga okasyon.
Nadutokan iti Filipino broadcaster, journalist, ken artist a ni Jay Ruiz kas Sekretaryo ti Presidential Communications Office (PCO) idi Pebrero 20, 2025, a mangsukat kenni Cesar Chavez.
Kas maysa a beterano iti idustriya ti media, pagaammo ni Ruiz iti atiddog a karera na iti journalism, kontribusyon na iti media ken public communication, ken ti adbokasiya na para iti Arts.
