Agarop dua nga bulan ti napalabas manipd di naibento ni Ceejay Faala ti awagan na a ‘pencroscope,’ nga addaan ti inisyal a 50x magnification ket trinabaho na daitoy a pangatuen, ket itan ket dumanonen iti 60x ken140x magnification.
Kinuna ni Faala nga ti 60x magnification ti imbensyon na ket mausar dagiti agad-adal ti elementarya.
Makita da kunana dagiti detalye ti bulong ti mula, asukar, patterns ti tela, ken dadduma pay a banag a saan a kabaelan a makita ti mata ti tao.
Kabayatanna, iti met 140x magnification ket para kadagiti estudyante ti hayskul, nu sadino, kabaelan da met a makita dagiti organism kas kadagiti tardigrades, daphnia, nematodes, paramecium, algae, lamok ken larvae, argaman payen dagiti detayado a paset ti bagi dagiti insekto.
Daitoy a baro a version ti imbensyon na, magnification laeng ti ngimmato, ngem isu metlaeng ti materyales a nausar iti immun-una na a naimbento. Iti ‘Pencroscope’ ket nagtaud iti sao nga ‘pen’ ken ‘microscope.’
Maysa daitoy a compact digital microscope a naaramid babaen ti highlighter ken dadduma pay a recycled materials.
Innayon pay ni Faala, iti 350x magnification ti imbensyon na ket adda paylaeng iti “trial and error phase”.
Apaman malpas na iti aparato ket kabaelan daitoy makita iti internal structures dagiti bacteria ken dagiti blood cells.
Maipalagip a ni Faala ket agdama nga adda iti maikatlo a tawen ti panagadal na ti syensysa idiay Carlos Hilado Memorial State University (CHMSU) Binalbagan campus, Negros Occidental.
