Maisardeng nga agpension dagiti surviving pensioner no dagitoy ket makiasawa iti sabali.
Daytoy iti kinuna ni Francisco Pentecostes, Social Security System La Union Branch Head kabayatan iti pannakiuman ti Bombo Radyo La Union kenkuana.
Segun kenni Pentecostes, napateg a maamuan daytoy dagiti pensioner tapno ammoda ti liklikkan dagitoy.
Kinuna pay ni Pentecostes nga uray no ilimmeng dagiti surviving pensioner nga addaan dagitoy iti sabali a kadindinna ket adda met laeng dagiti mangidanon iti SSS.
Kabayatan na, kasapolan met nga agparanga idiay opisina ti SSS dagiti amin a pensioner ken surviving pensioner tapno maamuan no dagitoy ket sibibiag pay sakbay tapno saan nga maisareng iti panangawat dagitoy ti pension sakbay iti June 30, 2022.
