Dumanon ti ₱2.2 billion iti gatad ti perdision nga imbati ti magnitude 7.4 a gingined a timama idiay Davao Oriental kadagiti nasurok 500 a pagadalan idi kalman, Oktubre 10, kas maibasar iti inisial a patta-patta ti agtultuloy a damage assessment.
Basar iti situation report ti Department of Education (DepEd), pakabuklan a 1,006 a pagadalan idiay Mindanao iti apektado ti gingined.
Nagresulta daytoy iti panagsardeng dagiti klase a nakaapektar iti nasurok 101,000 nga agad-adal ken 9,500 a mannursuro.
Iti nasao a bilang, 139 iti estudyante ken 50 dagiti mannursuro ti naipadamag a nadundunor gapo iti napigsa a gingined.
Nasuspendiren dagiti face to face classes iti 97% dagiti naapektaran a pagadalan para iti panangisayangkat ti inspeksion ken engineering assessments.
Temporario met a nag-shift dagitoy iti alternative learing delivery modes tapno agtultuloy iti edukasion dagiti agad-adal.
Segun iti DepEd, mangisaysayangkat metten iti Disaster Risk Reduction coordinators ken engineers ti rapid visual assessments iti imprastruktura dagiti pagadalan.###
