Naipila dagiti petisyon idiay Korte Suprema a mangkotra iti baro a perma a linteg ni Presidente Ferdinand Bongbong Marcos Junior, wenno iti Republic Act No. 12232 a nangitantan ti Barangay and Sanggunian Kabataan Elections 2025.
Gapo iti daitoy ket nangipila ti nagsina a petisyon da election lawyer Atty. Romulo Macalintal ken ni John Barry Tayam a maysa a maestro.
Agtalek ni Macalintal a nasken a matuloy ti eleksyon ita a tawen agsipud ta awan met iti rason a daitoy ket rumbeng a maitantan.
Manipud iti impila na a ‘petition for certiorari and prohibition’ idiay Korte Suprema, kayat na a maideklara kas ‘unconstitutional’ ken mawaswas ti linteg a pinermaan ti Presidente.
Binabalaw na met ken ibilbilang a manangallilaw iti panangitantan ti BSKE manipud Disyembre ita a tawen, agturong iti Nobiembre inton sumaruno a tawen.
Mainaig iti dayta ket ti petisyon met ti mannursuro a ni John Barry Tayam mangkidkiddaw iti Korte Suprema a mangipaulog ti Temporary Restraining Order ken ideklara kas ‘unconstitutional’ iti panangitantan iti eleksyon kadagiti barangay.
