Binabalaw ni Colombian President Gustavo Petro dagiti lapped iti burukasya a maipagarup a mangpabpabuntog iti modernisasion ti militar, kalpasan iti panasuwek ti eroplano ti Air Force.
Impaganetget ni Petro a saan koma a maitantan dagiti reporma gaputa nakataya ti biag dagiti soldado, ken nagpakdaar a dagiti opisial a saan a makasabay iti kasapulan nga addang ket mabalin a mapatakyas iti opisinada.
Kabayatanna, nangidanon ti pannakipagrikna ken nagpanawagan ti naan-anay nga imbestigasion dagiti sumagmamano a kandidato iti masungad nga eleksion inton Mayo 31. Inkari met ti Lockheed Martin iti tulongda iti imbestigasion.
Ti Hercules C-130, nga immuna a nailunsad idi dekada 1950, ket nabayagen nga us-usaren ti Colombia a mangibiahe kadagiti tropa iti tengnga ti nabayagen nga internal conflict iti pagilian. Ti nagsuwek nga eroplano ket karaman kadagiti modelo nga impaay ti Estados Unidos kadagiti napalabas a tawen.
Malagip nga idi Pebrero, nagsuwek met ti maysa a C-130 ti Bolivian Air Force idiay El Alto a nakatayan ti nasurok a 20 a tattao.###
