Pinaingetan ken inrebisar ti Sandatahang Lakas ng Pilipinas dagiti cybercrime security protocols-da tapno malapdan ti aniaman nga panagespia ti sapasap a seguridad ti pagilian.
Daytoy ni Philippine Army spokesperson Colonel Louie Dema-ala kalpasan ti order kadagiti nababbaba a units a mangpapigsa ti seguridad dagiti kampo ken dadduma pay nga alikamenda.
Sumaruno ditoy ti panangipaganetget ti gobierno a dadduma nga espia ti nakastrek iti most secured a paset ti pagilian.
Mainaig dayta kadagiti naudi a lima nga Chinese nationals agraman ti dua a Pilipino a kadwa da nga nangtiktik kadagiti kampo militar ken dagiti civilian installations.
Kinuna ni Dema-Ala a kangrunaan a panggep da a saanen a maulit a malusutan dagiti government security protocols.
Inyunay-unay ti opisial a nabayagen a nailasin ti maipagarup nga espia ti China ngem nasaysayaat nu makumpleto pay a magun-od ti intelligence community dagiti ebidensia kontra kadaitoy sakbay isuna a maaresto.
Sinigurado na met a saan a rumbeng nga agdanag ti publiko agsipud ta kontrolado metten ti gobierno ti sitwasyon.
