Pimmabor iti Pilipinas ti maysa a resolusyon ti United Nations General Assembly a nagpanawagan ti madagdagos a ceasefire idiay Gaza.
Maipalagip a ti addang ket kasaruno a napaay ti resolusyon ti UN Security Council idi napalabas a lawas nga in-veto ti Estados Unidos.
Naipatungpal ti resolusyon kalpasan ti UN General Assembly idi Hunyo 12 nu sadino ket pimmabor dagiti 149. Karaman met kadagiti kimmontra ket ti Estados Unidos, Israel, Argentina, Hungary, ken Paraguay bayat a ti pagilian nga India, Albania, Czechia, Georgia, Ecuador, Romania, Timor-Leste, ken Ethiopia met ket nag-abstain.
Nadakamat iti resolusyon ti panagkondenar da iti panagharang kadagiti humanitrian aid idiay Gaza gapo iti extreme hunger iti rehiyon.
Nakailanad pay ditoy a ti obligasyon ti Israel ket masiguro a makastrek dagiti tulong para kadagiti apektado a sibilyan. Imbilin pay ti UN ti madagdagos a pannakawayawaya dagiti hostages nga iggem ti Hamas ken dadduma pay a grupo.
