Balligi a naisayangkat ti maysa a joint simulation exercise iti Armed Forces of the Philippines (AFP) ken iti United States Military sadiay Clark Air Base idiay Pampanga idi Sabado.
Daytoy ket para iti demonstrasyon ti rapid airlifting dagiti relief goods a maipatulod para kadagiti naapektaran dagiti naglabas a panagtodo ken nasaknap a panaglayos.
Babaen ti panagusar iti maysa nga US MV-22 Osprey aircraft ket naipakita no kasatno iti panangikabil ken panangiyakar dagiti family food packs manipud iti Department of Social Welfare and Development (DSWD) a nangipaganetget iti kinapateg ti interoperability, logistics coordination, ken iti kinasagana ti disaster response.
Iti aktibidad ket indaulwan da Department of National Defense (DND) Secretary Gilberto Teodoro, AFP Chief of Staff Gen. Romeo S. Brawner Jr. ken ni US Ambassador MaryKay Carlson ken naaddaan pay ti maysa a guided tour iti Osprey aircraft tapno ipakita iti abilidad daytoy para iti naparak a panakaituding dagiti humanitarian assistance and disaster relief (HADR) missions.
Kabayatanna, nangipakita met ti suporta iti US iti AFP para iti agtultuloy a panangipaay dagiti relief packs ti DSWD kadagiti naapektaran dagiti naglabas a bagyo.
Iti agdama, addaan ti 4,800 a family food packs iti naipatulod idiay Northern Luzon.
