Agtalinaed a nakapia ken napintas iti relasyon ti Pilipinas ken Vietnam sadiay Kalayaan Island Group (KIG), nga adda iti uneg ti 200-nautical mile exclusive economic zone (EEZ) ti pagilian a laksid ti tensyon idiay West Philippine Sea (WPS).
Dua a metro laeng ti kaadayo ti Parola Island nga okupado ti Pilipinas ken ti Pugad Island nga okupado met ti Vietnam, ngem saan a nagbalin a peggad daitoy iti kooperasyon maipapan kadagiti aktibidad kas iti friendly games, cultural shows, ken sinnukat ti ideya.
Tinawen pay nga agsarak dagiti military troops ti dua a pagilian segun kenni Colonel Joel Bonavente ti Naval Task Force 42. Nupay mas modernisado itan ti Pugad Island base mainaig kadagiti istraktura a kas makita iti BRP Andres Bonifacio, agtultuloy met ti panagpasayaat kadagiti pasilidad ti Pilipinas sadiay Parola Island.
Mainayon pay ditoy ti kaadda ti satellite internet, telebisyon, ken sports equipment tapno mapagtalinaed a nangato latta ti morale dagiti soldado.
Paset daitoy ti inisyatiba ti AFP nga aramiden a “livable and habitable” dagiti isla para kadagiti Pilipino.
Kinuna pay ni Bonavente a ti presensya ti Philippine Navy ken Marines ket napateg tapno masalakniban ken madepensaan ti teritoryo ti pagilian iti kangitingitan dagiti overlapping claims sadiay WPS.
