BR LA UNION – Mangidatag manen ti diplomatic actions iti Pilipinas kontra China seknan iti kauddian a panang-harass dagiti barko daytoy idiay West Philippine Sea.
Segun iti National Maritime Council, iti baro nga agresyon ti China kontra kadagiti barko ti Pilipinas ket maka-buribor.
Iti nasao nga addang ti pagilian ket tapno masiguro ti kinatalged ken epektibo a panangisayangkat ti maritime operations iti rehiyon.
Immuna a naipadamag ti kauddian a panang-harass ti China Coast Guard iti BRP Datu Sanday ken BRP Datu Pagbuaya ti Bureau of Fisheries and Aquatic Resources.
Daytoy ket kagiddan ti panangisayangkat dagiti nasao a barko ti Pilipinas ti panagsukimat idiay Sandy Cay 2 idiay Pag-asa Island.
Impaganetget ti National Maritime Council, a ti nasao nga addang ti CCG ket maibilang a seryoso a pangta iti soberanya ti Pilipinas ken panaglabsing iti international law.
Siniguro ti ahensya nga agtulnog ti Pilipinas iti anyaman a nakapya a katulagan bayat nga agtultuloy iti panangitandudo ti karbengan ti pagilian iti nasao a rehiyon.
