LA UNION – Adda pakabuklan nga innem nga Acero-class gunboats iti Philippine Navy nga adda iti serbisyo.
Daytoy ket kalpasan iti inaramid nga upgrade iti maysa kadagiti barko ti PH Navy a BRP Nestor Acero nga addaan itan ti battle net system manipud Israel.
Sinukimat a naimbag iti naaramid nga upgrade babaen ti maysa a comprehesive sea trial asideg idiay Manila Bay ken Cavite City kadwa iti lima pay a dadduma nga Acero class patrol gunboats idi July 4.
Kabilang kadagiti napadas ken naamiris ket iti connectivity ken communication range ti upgraded a battle net system a nakasentro iti voice, chat ken video feed relay, ngem saan metten a naidetalye iti dadduma pay a systems upgrade para iti security reasons.
Nagballaygi iti naisayangkat nga upgrade iti PH Navy craft ken pimmasa daytoy iti baseline specifications.
