BR LA UNION – Lima a bangkay a mapapati manipud iti mapukpukaw a barko nga MBCA Amejara iti nasarakan, segun kenni Coast Guard District Southeastern Mindanao Commander Commodore Philipps Soria idi Sabado, Enero 24, 2026.
Segun kenni Soria, uppat a bangkay ti immuna a narekober iti agarop alas-11:30 agingga alas 11:45 ti agsapa idi January 24, 2026 bayat a maysa a floating body ti nakita dagiti piloto ti Coast Guard.
Dagiti lima a bangkay a na-retrieve ket naiturong da idiay Balut Island kalpasanna, nai-airlift a naiturong idiay Davao City.
Nakita dagiti otoridad iti aglawlaw ti maikalima a floating body iti puraw a floating debris ken orange objects a mapapati a life vests wenno personal belongings dagiti biktima.
Segun kenni Soria, awan pay ti pakabigbigan dagiti lima a bangkay ken agtaltalinaed nga officially unverified dagitoy.
Innayonna a dagiti nakita a debris iti area a nakasarakan dagiti bangkay ket mapapati a nakasuot dagiti biktima ti life vests idi napasamak ti insidente.
Segun kenni Soria, lima a bangkayen ti narekobre ken maysa a survivor, ni Christopher Bulig, a na-rescue idi maikadwa nga aldaw ti search and rescue operations.
Napapigsa iti search and recovery efforts babaen ti nai-deploy a kanayunan nga assets, a pakaibilangan ti BRP Artemio Ricarte (PS-37).
Impasigurado ni Soria nga agtultuloy ti search and rescue operations ken siniguro na iti publiko nga aramiden da amin a kabaelan da tapno sapolen dagiti nabatbati pay a possible survivors laksid ti karit a nadawel iti kabaybayan .
Maipalagip nga idi Lunes, Enero 19, naipadamag ti panagpukaw tii MBCA Amejara, a maysa a rented recreational boat nga addaan ti 16 a pasaheros a pakairamanan ti 12 a turista ken uppat a crew members iti kabaybayan idiay Davao Occidental ken maysa laeng ti na-rescue a sibibiag.
