Isagsaganan ti Philippine Navy iti deployment ti transport vessel a BRP Dagupan City para ti relief mission kadagiti lugar nga apektado ti ginggined idiay Cebu as paset ti humanitarian assistance and disaster response (HADR) efforts gapo paylaeng iti makaperdi a magnitude 6.9 a nangdayeg idiay Bogo City ken dadduma pay a kabangibang a probinsya idi rabii ti Martes, Setyembre 30.
Kinuna ni Navy public affairs chief Captain Benjo Negranza a naka-standby itan dagiti medical team ti Naval Forces Central tapno madagdagos nga umalalay.
Agtultuloy met ti koordinasyon da iti Office of the Civil Defense para ti maiyannatop ken epektibo a panagsuporta kadagiti maisayangkat nga operasyon.
Insaganan ti Navy dagiti assets ken personnel da nga umasistir kadagiti lokal a gobierno iti panangipaay ti relief and rescue operations ken ipasiguro a maipadanon amin a kasapulan a tulong ti lugar.
