Impaganetget ni Executive Secretary Ralph Recto a manamnama a mangpataud ti ad-adu a trabaho, mangpababa ti presyo dagiti magagatang, ken mangpalawa ti oportunidad kadagiti Pilipino ti kabaroan a free trade agreement ti nagbaetan ti Pilipinas ken ti United Arab Emirates a pinermaan da Presidente Ferdinand R. Marcos Jr. idi Enero 13, 2026 idiay Abu Dhabi.
Segun kenni Recto, ti Comprehensive Economic Partnership Agreement (CEPA), ti kaunaan a free trade deal ti Pilipinas ti maysa a pagilian idiay Middle East.
Tarigagay dagitoy a pababaen dagiti taripa, palawaen ti market access kadagiti produkto ken serbisyo, ken paregtaen dagiti agpupuunan, a mapagnumaran dagiti mannalon, mangmanggaed, propesyonal; ken kadagiti Micro, Small, and Medium Enterprises.
Agnumar pay dagiti Pilipino nga adda iti sector ti healthcare, information technology, konstruksyon, turismo, ken dadduma pay a sektor para ti naluklukat nga access idiay UAE.
Kagiddanna ket napermaan pay ti katulagan iti defense cooperation a mangpapigsa ti koneksyon ti trade ken pangseguridad dagiti dua a pagilian.
