LA UNION – Siniguro ti Philippine Coast Guard a nakasagana dagitoy nga agresponde iti agbalin nga epekto ti bagyo Carina, a mangap-apektar iti dackel a paset ti Northern Luzon.
Segun iti PCG, naka-alerto iti Coast Guard District North Western Luzon ditoy Ilocos Region, ken Coast Guard District North Eastern Luzon idiay Cagayan Valley ken dadduma a paset ti Central Luzon.
Siniguro ti PCG, a nakasagana dagiti arwaten a mabalin nga usaren iti evacuation , search and rescue operation, clearing operation, ken dadduma pay a kasapolan iti panagresponde iti epekto ti bagyo.
Nakasagana pay iti ahenisya iti anyaman nga emergency situation.
Maipalagip a karaman iti Phil Coast Guard kadagiti mangbukbukel iti security cluster nga agbanbantay ti seguridad iti maikatlo a SONA ni PBBM.
Idi Hulyo-19, immuna a naideploy iti K9 Force ti PCG tapno nasapa a tumulong iti security ken safety preparations ti security forces.
![](https://img.bomboradyo.com/launion/2024/07/PCG123-e1721624270997.jpg)