Maibilang kas significant milestone ti pannakisalip ti umuna a gundaway iti dua a Philippine Air Force (PAF) FA50 Fighting Eagles iti prestihiyoso nga Mindil Beach Flypast a naangay idiay Darwin, Australia.
Ti dua nga FA-50 fighter jets ket manipud iti 7th Tactical Fighter Squadron, 5th Fighter Wing iti Philippine Air Force.
Paset iti aktibidad iti international military exercise Pitch Black 2024 nu sadino ket nagsanib pwersa dagiti air forces manipud iti nadumaduma a pagilian para iti joint training, collaboration ken nalawa a force exercise.
Maysa met a ‘historic moment’ iti partisipasyon ti Philippine Air Force iti Pitch Black 2024 gapo ta naipakita iti tropa ti Pilipinas iti kabaelan ken commitment para iti regional cooperation ken international engagements.
Pagaammo iti agility ken precision, naala ti FA50 Fighting Eagles ti atensyon dagiti agbuybuya ken aviation enthusiasts kapayatan iti panagpakitang gilas-da iti skyline ti Darwin kakadwa iti dadduma pay nga advance fighter jets iti naisayangkat nga flypast.
Impaganetget ni Colonel Randy Pascua, Philippine Contingent Commander ti importansya ti partisipasyon idiay Mindil Beach Flypast.
Impasiguro met ti Philippine Air Force (PAF) iti commitment kadagiti sumaruno nga edisyon iti Pitch Black ken dadduma pay a kapada nga international exercises.
