Kumidkidaw ti tulong iti konsulada ti Pilipinas idiay Honolulu tapno mabirokan dagiti mapukpukaw a Pinoy ken Fil-Am gaputi wildfire idiay Maui, Hawaii.
Imbatad iti Konsulada ti Pilipinas idiay Honolulu nga ngumatngato iti bilang ti tawag ken emails a maaw-awat da nga dumawdawat ti tulong tapno mabirukan dagiti mapukpukaw a Pilipino ken Filipino-American wenno miyembro ti pamilya kalpasan iti perdisyon nga ginubway ti wildfires idiay Maui island, Hawaii.
Segun met kenni Consul General Emilio Hernandez nga agtultukoy iti komunikasyon da kadagiti local authorities mainaeg ti daytoy ken nagited ti abiso nga mangipatulod ti bukod da a queries tapno ma-access dagiti organisasyon a makatulong ti panagbirok kadagiti mapukpukaw nga kabagyan wenno miyembro ti pamilya dagitoy.
Base iti abiso manipud ti American Red Cross,mabalin a tumawag dagiti panggep na nga dumawat ti tulong tapno mabirukan iti mapukpukaw a miyembro ti pamilya babaen ti hotline a 1-800-733-2767.
Iti agdama, pannubok pay latta para ti Konsulada a makaala ti umno a listaan dagiti mapukpukaw a Pilipino ken Fil-Am nga nai-report a mapukpukaw.
