Naliday iti Philippine Navy (PN) iti napasamak a trahedya nu sadino ket pimmusay iti civilian kitchen staff-da idiay maipaspasdek a New Senate Building asideg ti Bonifacio Naval Station, Taguig City, July 25, 2024.
Segun kenni Philippine Navy Spokesperson Commander JP Alcos, ti pimmusay a kitchen staff ket agtrabtrabaho iti maysa a dining facility iti uneg ti Bonifacio Naval Station ket adda iti proseso iti panag-apply kas kadwa wenno miyembro iti Philippine Navy.
Kinuna ni Alcos a mangisaysayangkaten iti Philippine Navy iti naun-uneg pay nga imbestigasyon iti insidente kakadwa iti pulisya.
Iti agdama saan pay laeng a nainaganan iti pimmusay a kitchen staff gapo ta kayat iti pamilyado daitoy nga agbalin a pribado iti topiko.
Impusuan met a makiladladingit iti intero a Philippine Navy kadagiti pamilya ti biktima nu sadino nakasagana da a makitinnulong para ti imbestigasyon.
Maibasar iti report manipud security team ti Senado, simrek iti biktima iti construction area ti pasdek agarop alas-9:30 iti rabii.
Natay iti biktima a kamkamaten kano iti kadwa na ken dagiti security guards ngem iti las-ud iti maysa oras ket saan da daitoyen a masarakan.
Alas-10:00 ti rabii idi aksidente a natinnag iti biktima idiay North Tower ti New Senate Building ngem saan pay nga ammo nu sadino a kadsaaran ti nakatinnagan na.
