BR LA UNION – Agsapol ti International Criminal Court (ICC) ti baro a Filipino wenno Tagalog ken Cebuano freelance transcriber.
Maipalagip nga idi napalabas a tawen ket immuna nga impaskil ti ICC iti anunsyo para kadagiti indibidwal nga eksperto kadagiti nasao a lengguahe, ngem adda man itan a nakapaskil daytoy iti website ti international tribunal.
Tarigagay ti ICC iti panagsapol na ti nalaing a transcriber iti Filipino ken Cebuano, tapno tumulong iti Office of the Prosecutor (OTP) a mangdetermina ti ad-adu pay a “coperpetrators” iti nadara a kampanya kontra droga idi panawen a mayor ken presidente ni Rodrigo Duterte.
Maibasar iti allagaden ti ICC, iti deadline ti panagsumite ti aplikasyon ket inton Disyembre 31, 2025.
Nainget nga impalagip ti ICC a ti nasao a deadline ket maibasar iti time zone idiay The Hague, Netherlands.
Nu lumbes iti alas-dose ti tengnga ti rabii inton Disyembre 31, oras idiay The Hague, saan nga awaten ti international tribunal dagiti aplikasyon, anyaman nga oras iti pagilian a naggapwan ti aplikante.
Iti agdama, nakaditine ni sigud a presidente Rodrigo Duterte idiay ICC Detention Centre kalpasan a naarestar ditoy Pilipinas idi Marso ken naiturong idiay international tribunal.
