Saan a maalarma ti Philippine Navy mainaig iti narekobre a Chinese submarine drone sadiay Masbate idi Disiembre 30.
Iti maysa a statement, kinuna ni Philippine Navy spokesperson Rear Admiral Roy Vincent Trinidad, kasapulan a maipasidong iti kanayonan nga analysis ti yellow drone a nakita a tumtumpaw ti taaw iti ili ti San Pascual.
Daytoy ket tapno maikeddeng ti pudno a nagtaudan ti nasao nga drone, agraman dagiti echnical specifications na.
Panangilawlawag ti opisyal, mabalin a mausar daytoy iti research wenno mausar a fish tracker.
Segun kenni Trinidad, dagiti naraniag a maris a kas iti yellow, red, ken orange, ket masansan a maus-usar kadagiti scientific research ken fishing activities a kas iti panangsurot kadagiti dadakkel a grupo dagiti ikan.
Segun iti opisyal, saan a rumbeng a pakaigapuan ti alarma daytoy.
Ti statement ti PH Navy ket iti tengnga met ti espekulasyon a ti narekobre a maritime drone ket posible nga us-usaren ti China kas communication ken navigation toll.
Immuna nga inyawat ti Philippine National Police ti nasao a drone iti PH Navy, sumagmamano nga aldaw kalpasan a nakita daitoy ti sumagmamano a mangngalap iti danum ti Barangay Inarawan, San Pascual, Masbate.
