Maipatuloden ditoy Pilipinas ita nga Oktubre iti sounding rocket a nakatuding a maipatayab inton 2027.
Segun kenni Representative John Yap, budget sponsor iti Philippine Space Agency wenno PhilSA, madama paylaeng iti pannakabukel ti flight model iti rocket kabayatan iti pannakaisayangkat kadagiti kasapulan a testings.
Idi Agosto 11, nagturong idiay South Korea dagiti PhilSA engineers para ti sangapulo a lawas a technical ken hands-on training iti panangaramid iti sounding rocket.
Aganay P100M iti naitukon para ita a tawen ti nasao a proyekto a mausar para iti panagadal ti atmospera, kasasaad ti paniempo, radiation, space physics, communications, ken kadagiti kabaroan a teknolohiya.
Immunan nga inwaragawag ni Presidente Ferdinand Marcos Jr. iti State of the Nation Address na iti plano a test launch inton 2027, kabinnulig ti maysa a kompanya idiay South Korean.
Kabayatanna, inlawlawag ni Yap nga awan iti pakainaigan ti militar iti Estados Unidos iti rocket launch, nga uray maipatayab daitoy iti maysa nga Enhanced Defense Cooperation Agreement wenno EDCA site.
Dagitoy a sites ket pagaammo nga us-usaren dagiti soldado ti Estados Unidos para ti rotational basis.
