Inikkat ti Philippine Institute of Volcanology and Seismology (Phivolcs) ti danag iti publiko kasaruno ti panagdayeg ti magnitude 6.1 a ginggined idiay Davao Occidental.
Naipababa daitoy manipud ti umuna nga anunsyo a magnitude 6.9 kalpasan ti assessment dagiti eksperto. Segun iti ahensiya, awan ti aniaman a pangta ti tsunami ditoy pagilian kas maibasar metten ti kadagiti nagun-od a datos.
Segun iti Phivolcs, mabalin a makapartuat ti kastoy a kapigsa a panagdayeg iti saan a norman a sea level disturbances kas naobserbaran kadagiti asideg a kabaybayan ti epicenter ti ginggined idiay Davao Occidental ken kadagiti kabangibang a probinsiya.
Sakbayna ket dimmayeg ti napigsa a ginggine iti oras alas-7:07 ti bigat kadagiti kabaybayan ti Sarangani Island idiay ili ti Sarangani, Davao Occidental nga addaan kauneg a 10 a kilometro ken tectonic ti nagtaudan na.
Innayon met ti Phivolcs a manamnama dagiti mailista a perdisyon ken aftershocks gapo iti epekto ti ginggined.
