Inpakaammo ita nga aldaw ti Philippine Volcanology and Seismology wenno PHIVOLCS a nakairekord ti ahensia kadagiti 23 volcanic earthquakes iti aglawlaw ti Bulkang Kanlaon sadiay Negros Island.
Segun iti datos nga inruar ti PHIVOLCS nga iti napalabas a 24 nga oras a panangmonitor ket 4,186 a tonelada ti sulphur dioxide flux ti nairehistro.
Mainayon pay ti 75 metro a kangato ti asok manipud iti crater ken ti awan sarday a panagsingaw ken ashfall.
Kinuna ti PHIVOLCS nga agtatalinaed nga ada iti ‘swelling’ iti daga isu ket adda latta iti Alert Level 3 ti Bulkang Kanlaon a nangitunda iti pannakaiparit ti panagtayab ti aniaman nga eroplano nga umasideg ken bumatog iti crater ti Bulkan.
Agtaltalinaed latta ti 6km Extended Danger Zones ti aglawlaw ti Bulkan Kanlaon ken dakkel iti posibilidad iti pangta ti panagbettak.
