Agserbi ti Pilipinas kas Presidente ti 78th World Health Assembly, ti kangatuan a decision-making body ti World Health Organization (WHO). Daitoy ti kaunaan a gundaway para ti pagilian nga idauloan ti nasao nga asembliya.
Mangrugi nga ag-convene iti WHA ita Mayo 19 nga agpaot agingga Mayo 27 sadiay Geneva Switzerland.
Idauloan ni Health Secretary Ted Herbosa ti delegasyon ti Pilipinas nu sadino ket impamaysa ti pagilian a mapalawa pay ti akem na maipanggep ti global health diplomacy, panangpapigsa ti bilateral ties, ken pannakisalip kadagiti inisyatiba ti salun-at babaen ti pannakikoordinar kadagiti member-states ken stakeholders nu kasta ket agbalin a naballigi ti health equity kadagiti amin a lebel ti lokal, rehiyonal, ken international.
Segun iti DOH, direktiba ni Presidente Ferdinand Marcos Jr. iti long-term solution para ti saritaan salun-at, itandudo ti patas ken natibker a global health landscape, ken pannakaisayangkat kadagiti kritikal a dayalogo kadagiti isyu pangsalun-at ti intero a lubong.
Pinagyamanan met ni World Health Organization Director General Doctor Tedros Adhanom Ghebreyesus ni Secretary Ted Herbosa ti panagrugrugi ti World Health Assembly idiay Geneva, Switzerland, nu sadino ket dagiti lider manipud 194 WHO member states ket agtitipon.
Dakamaten da dagiti karit pangsalun-at ti intero a lubong kasta met ti panangbukel kadagiti polisiya ken sistema mainaig ti panagtitinnulong dagiti nagduduma a pagilian.
Kabayatanna, makikadwa met a mangitandudo ti Pilipinas ken dagiti pagilian ti WHA iti panggep ti organisasyon nga “HealthForAll”.
