BR LA UNION – Maikatlo iti Pilipinas kadagiti pagilian iti intero nga Asya a makapad-padas ti nakaru ken naisang-sangayan a ara ipanawen nga adda pakainaiganna iti climate change iti napalabas a 3 bulan wenno manipud Disyembre agingga Pebrero.
Base iti report manipud Climate Central, naamwan a nakapadas ti pagilian ti temperatura nga adda iti Climate Shift Index (CSI) level 2 wenno mas nangatngato iti uneg ti 74 nga aldaw a mabalin a gapwanan ti panagbaliw ti panawen.
Iti Climate Shift Index ket maysa a sistema a mangrukod iti epekto ti climate change iti temperatura iti maysa a pagilian kada aldaw.
Nu nangatngato iti lebel, kaipapanan daytoy a nangato iti epekto ti climate change.
Kangrunaan nga epekto ti climate change gapwanan ti tao ket manipud iti burning coal, oil ken methane gas a kaadwan manipud kadagiti rehiyon iti intero a lubong.
Base pay iti report, nasurok 45 million a tattao iti intero a kontinente ti naisarang iti peligro a kinabara ti panawen iti 30 nga aldaw a gapwanan ti climate change.
Ditoy Pilipinas, aganay 200,000 a Pilipino iti na-expose manpud iti 116 milyon a pakabuklan a populasyon.
Umuna a pagilian a makapad-padas ti most unusual heat ket iti Brunei Darussalam iti uneg ti 83 nga aldaw ken maikadwa iti Maldives iti uneg ti 81 nga aldaw.
