Pinatibker pay ti Pilipinas ti suporta na para ti full membership ti Timor-Leste iti Association of Southeast Asian Nations (ASEAN).
Inyanunsyo ni incoming Department of Foreign Affairs (DFA) Secretary Theresa Lazaro ti agtultuloy a panagsuporta ti Pilipinas ti panagbalin a miembro ti Timor Leste iti ASEAN kabayatan ti panagsasarak dagiti lider da iti naangaya a 46th ASEAN Summit sadiay Kuala Lumpur, Malaysia.
Segun kenni Lazaro, committed pay ti Pilipinas sadiay Timor Leste para kadagiti ambag ti nasao a pagilian ti implementasyon ti ASEAN Community Vision 2045. Para ita a tawen ti ASEAN summit gamin ket agtaltalinaed latta nga observer iti Timor-Leste.
Ti suporta ti Pilipinas ti Timor-Leste ket kasaruno ti dua a bulan idi naaddaan iti tensiyon ti dua a pagilian kasaruno metten ti panangbabalaw ti pagilian para ti extradition request iti pugante a ni sigud a Negros Oriental 3rd district Representative Arnolfo Teves Junior.
Kabayatanna, ti ASEAN ket buklen dagiti sangapulo a member states, pakairamanan ti Brunei, Cambodia, Indonesia, Laos, Malaysia, Myanmar, Philippines, Singapore, Thailand, ken Vietnam.
Idi tawen 2022, naawat babaen ti ‘Agree in principle’ iti Timor-Leste kas maika-11 a miembro ti ASEAN ken iproseso iti roadmap para ti full membership ti nasao a pagilian.
