Inyunay-unay ni Presidente Ferdinand Marcos Jr. a saan a makibiang ti Pilipinas iti saritaan ti isla ti Taiwan ken agtultuloy iti panangbigbig na iti one-China policy.
Kinuna ti Presidente iti maysa a pressconference nga ibilbilang ti Pilipinas kas internal matter iti saritaan ti nasao nga self-ruled island.
Nupay kasta, tarigagay met ti pagilian a maresolbar iti nakapia a wagas ti aniaman a tensyon iti naglawlawna.
Pagaammo a nasurok 200K dagiti Pilipino dagiti agnanaed ken mangmangged idiay Taiwan isu a napateg para ti gobierno a mapagtalinaed iti kinakapia ti rehiyon.
Segun kenni Presidente Marcos, agtultuloy latta iti diplomatic engagement ti Pilipinas ken China, karamanen ti masansan a panagtaripnong dagiti foreign ministers para ti naannayas a komunikasyon.
Innayon na a napateg iti panagtitinnulong dagiti pagilian ti Indo-Pacific region tapno maliklikan ti posible a pannakapartuat ti tensyon.
