Pito a panadero ti natakuatan a natay kalpasan a mabagbagsol kabayatan ti panagturog da iti uneg mismo ti pagtartarabakoan da a panaderya idiay Brgy. Cupang, Antipolo City, Rizal itay bigat.
Alas otso ti bigat idi makaawat ti pulisya manipud ti maysa a barangay tanod seknan ti insidente.
Dagos a nirespodehan dagiti otoridad iti pulong ken rumrumuar iti inisyal nga imbestigasyon a dagiti biktima ket agpapada nga empleyado iti maysa a bakery.
Makuna a simrek dagiti saan pay nabigbig a suspek iti panaderya agarop alas sais iti bigat ken nagsasaruno a binagbagsolan dagiti biktima kabayatan nga agin-inana ken kaimasan ti turog da.
Iti agdama ket nainget metten a mangisaysayangkat ti imbestigasyon ti Antipolo PNP para iti naaam-ames a pammagsol.
