Namnamaenen ti Paranaque Integrated Terminal Exchange (PITX) ti panagdupodop ti agingga 2.3M a pasahero para kadagiti agaawid a kailian ita nga Holy Week.
Impasiguro ni PITX Spokesperson Jason Salvador a nakasagana ti grupo da para iti kinaado ti tattao kadagiti sumaganad nga aldaw a mangrugi met inton Abril 9, selebrasyon ti ‘Day of Valor’ wenno Araw ng Kagitingan.
Segun kenni Salvador, ti nasao nga bilang ket manamnama manipud Miyerkules agingga ti panagaawid dagiti pasahero iti panagleppas met ti Holy Week.
Kinunana a ti mismo nga aldaw ti Holy Wedensesday ken ti Maundy Thursday iti kaaduan ti pasahero gapo ta kaaduan kadagiti mangmangged a Pilipino ket saan nga aprobado dagiti ‘leave’ da.
Immuna iti daitoy ket nakitaripnongen kadagiti operators ken dadduma pay nga ahensya ti liderato ti PITX tapno masiguro nga adda ti umdas a bus ken natalged a makabiahe dagiti pasahero ita nga lawas.
Kabayatanna, nakamonitor da pay kadagiti bus drivers tapno siguraduen met nga awan ti agususar ti ilegal nga agas babaen ti mandatory drug testing kadagitoy.
