LA UNION – Inwaragawag ni Philippine National Police (PNP) PIO Chief ken Spokesperson PBGen. Jean Fajardo, a nangipaay ti direktiba ni PNP Chief Police Gen. Rommel Francisco Marbil a saganaan iti posible nga epekto ti umas-asideg a bagyo Marce.
Iti presscon idiay Camp Crame, imbaga ni PBGen. Fajardo, nga agtul-tuloy iti koordinasyon ti Phil. National Police kadagiti Local Goverment Units partikular kadagiti lugar a namnamaen a tamaan ti bagyo.
Nakasagana metten iti pwersa ti PNP ingkaso nga adda ti preemptive evacuation.
Kabayatanna, umap-apela ti pulisiya iti publiko nga agnanaed kadagiti lugar a masansan a malayos ken adda posibilidad ti panaglayos a saganaan ti panagakar.
