Pinasingkedan ni Philippine National Police (PNP) Spokesperson PBGen. Randulf Tuaño nga awan iti iggemda nga impormasion mainaig iti report a panangarestar kenni sigud a PNP Chief ken agdama a Senador Ronald “Bato” Dela Rosa.
Adda dagiti rumrumuar a damag idi kalman a maipagarup nga arestaren dagiti pulis ni Sen. Bato kalpasan a matakuatan iti paglemlemmenganna.
Ti arrest warrant ket adda pakainaigan na iti maipagarup a panagbalin nga hepe ni Dela Rosa ti PNP idi naipatungpal iti war on drugs ti administrasion ni sigud a President Rodrigo Duterte a makasangsango iti agdama ti crimes against humanity sadiay International Criminal Court (ICC).
Pinaglibakan met ni Interior and Local Government Secretary Jonvic Remulla iti nasao a report.#
