BR LA UNION – Simmungbat ni Philippine National Police (PNP) chief Gen. Nicolas Torre III iti nagbalin a karit kenkuana ni Davao City acting Mayor Sebastian ‘Baste’ Duterte nga ag-boksing da.
Segun iti PNP chief, napintas nga usaren dayta a gundaway tapno makaurnong ti pondo a pangtulong kadagiti nadidigra ti bagyo ken habagat ditoy pagilian.
Kinuna na a nakasagana a mangipa-simpa iti Araneta Coliseum para iti 12-round charity boxing match tapno makaor-or da ti pondo.
Kada round ket adda sponsor kunana tapno dacdackel ti pondo a maurnong iti nasao a laban.
Mangrugi ti PNP chief nga ag-ensayo iti PNP Gym nu talaga a seryoso ni Duterte.
Maipalagip a kinarit ti ub-ubing a Duterte ni Torre iti dinnanog kalpasan iti pannaka-arestar ti ama na a ni sigud a President Rodrigo Duterte idi bulan ti Marso gapu iti kaso a war against humanity, ken nakabalud ita iti International Criminal Court idiay The Hague, Netherlands.
