Indutok ni Philippine National Police (PNP) Chief General Jose Melencio Nartatez Jr. ni Police Brigadier General Rommel Sta. Ana Batangan a kas acting director ti Highway Patrol Group (HPG) mangrugi ita nga aldaw ti Huebes.
Ni Batangan ket nagserbi kas Deputy Regional Director for Administration iti Police Regional Office 3.
Sinukatan na ni Police Brigadier General Jessie Tamayao a boluntaryo a bimmaba iti puesto idi kalman kasaruno nga idarum ti sexual harrassment ti maysa a babae nga pulis sadiay National Police Commission (NAPOLCOM).
Nainget met a pinaglibakan ni Tamayao dagiti alegasyon ken impaganetget nga inosente isuna kadagiti nasao a reklamo.
Innayon pay ti opisyal a ti panaglosolos na ket saan a panangaklon ti nagbasolan nu di ket panangipakita ti panagraem iti
due process ken ti pakabuklan nga institusyon ti Philippine National Police.
