Imimbestigaranen ti Philippine National Police (PNP) ti panagusar ti police uniform kas costume iti Christmas party.
Segun kenni PNP Public Information Office Chief Police Brigadier General Jean Fajardo, karaman kadagiti am-ammuen da ket nu kasano a maal-ala dagiti uniporme nu sadinno ket addaan pay daitoy iti patch ti PNP Special Action Force.
Ti dakdakamaten ni Fajardo ket iti nagtrending ti social media nga executive ti maysa a automobile manufacturing company nga inaramid da costume ti PNP uniform iti Christmas party.
Segun kenni Fajardo, ti executive ti automobile manufacturing company ket maysa a foreigner isu ket mabalin a saan na nga ammo iti paglintegan ti Pilipinas.
Ngem innayon ti opisyal a saan a rason ti awan puot na ti linteg tapno saan a makasuan ti siasinuman nga aglabsing.
Maibasar ti Article 179 ti Revised Penal Code, sumango ti dusa nga arresto mayor ti siasinoman nga indibidwal nga agusar ti madi nga ‘insignia’ ken uniporme ti maysa a law enforcer wenno uniformed personnel.
