Pinagarawen ti Philippine National Police iti tracker team da para ti madagdagos a pannakarestar kenni Senador Ronald dela Rosa.
Segun kenni PNP Chief Jose Melencio Nartatez Jr., dagos da a tungpalen ti pammilin iti Department of Justice mainaig ti panangiserbi ti warrant of arrest kontra ti senador.
Kinunana a trabaho ti PNP nga iserbi dagiti warrant of arrest kontra ti siasinoman nga adda sangsangwen na a kaso.
Makikokoordinar metten ti PNP iti National Bureau of Investigation tapno madakamat nu sadinnon ti ayan ni Senador Dela Rosa.
Impaganetget pay ni Nartatez a binilin nan dagiti pulis gna agbalin a transparent ken itandudo ti maximum tolerance iti panangarestar.
Sumangsango ni dela Rosa iti crime against humanity mainaig iti kaso ni sigud a Presidente Rodrigo Duterte, nu sadinno ket nagserbi isuna nga Hepe ti Philippine National Police idi administrasyon na.
