Impaganetget ti Philippine National Police (PNP) a saan laeng a droga nu di ket amin a klase ti krimen iti bantayan da.
Daitoy ti panangilawlawag ni PNP Chief Police General Nicolas Torre III kasaruno ti pammilin ni Presidente Ferdinand Marcos Junior a pagtalinaeden iti kinatalged ken kinakapia ti intero a Pilipinas.
Segun kenni Torre, obligasyon ti kapulisan nga agresponde ti aniaman a reklamo dagiti umili. Nu adda ti umasideg a biktima wenno adda ti reklamo, natural kunana nga adda iti aksyon karamanen iti panagarestar nu kasapulan.
Impaganetget na pay a saan a rumbeng nga agtungpal ti kinaranggas ti panagarestar nu di ket nasken a masurot ti due process ken maraem ti karbengan pangtao.
Nagpalagip met isuna a nu awan ti abogado ti akusado ket adda met ti libre a legal a tulong manipud ti Public Attorney’s Office (PAO).
Pinaregta pay ni Torre iti publiko nga ipulong wenno ireklamo dagiti abusado a pulis agsipud ta silulukat met ti Internal Affairs Service, People’s Law Enforcement Board, NAPOLCOM, DILG, Ombudsman, ken uray dagiti media tapno tumulong ti aniaman a panagabuso.
