Impangato ti Philippine National Police (PNP) ti alert status-da para iti Holy Week 2026 nga epektibo para kadagiti amin a unit ken opisina manipud 12:01 a.m. ti Marso 29 agingga Abril 6.
Iti press conference sadiay Kampo Krame, kinuna ni PNP Spokesperson Police Brigadier General Randulf Tuaño a nasurok a 59,000 a police and force multipliers ti maideploy para iti Nasantuan a Lawas.
Mangitudingda kadagiti dadakkel a simbaan, sangladan, eropuerto, transport hub, ken dadduma pay a natao a luglugar.
Imbilin ni PNP Chief General Jose Melencio Nartatez Jr. ti nainget nga on ground presence, pannakaikabil kadagiti assistance desk, ken koordinasion kadagiti lokal a gobierno.
