Nakagun-od ti agarop P20 million a pondo iti Philippine National Police (PNP) manipud iti charity boxing match a naisayangkat ita nga aldaw, Hulyo 27, 2025.
Segun kenni PNP Chief PGen. Nicolas Torre III, nakakolekta iti opisina ti nasurok P16.3 million a gatad dagiti donasyon bayat a nakaawat met ti bagas, delata, ken dadduma pay a relief items manipud kadagiti nadumaduma nga sponsors.
Iti nasao a pondo ken relief items ket maipaay kadagiti naduprak dagiti napalabas a bagyo nga immunan a naited kadagiti residente ti Baseco Compound – maysa a lugar a nalayos gapo ti agtultuloy a panagtudo kadagiti napalabas nga aldaw.
Kabayatanna, dagiti dadduma a pondo ket naipaayen iti Department of Social Welfare and Development (DSWD), Philippine Red Cross (PRC), ken dadduma pay a government organizations idiay Quezon City.
Iti agdama ket naipaayen dagiti inisyal a tulong kadagiti maseknan nga ahensya ken sumagmamano a residente bayat nga agtultuloy iti panagtulong ti kapulisan kadagiti relief operations dagiti nakaro a naduprak dagiti kalamidad.
Nagyaman met iti hepe kadagiti na nangsuporta iti programa ken dagiti sponsors a nangipaay ti tulong tapno agballigi iti nasao a charity boxing match.#
