LA UNION – Nangiyuswat ti manhunt operation ti Philippine National Police (PNP) kontra kenni sigud a Presidential spokesperson Harry Roque, kalpasan nga indeklara a pugante ti Quad Committee ti Kamara.
Nagkedked ngamin iti kampo ni Roque nga awaten ti arrest order ti House of Representative kontra kenkuana.
Kinumpirma daytoy ni House Secretary General Reginald Velasco.
Segun kenni Velasco, alas 9 ti agsapa idi Biyernes, nga impatulod ti House sergeant at arms ti arrest order iti law office ni Roque ngem saan nga inawat daytoy ti staff na.
Maipalagip a na cite in contempt ni Roque iti maikadwa a gundaway, gaputi pannakapaay nga agsumite iti kidkiddawen a dokumento ti house quad committe.
Iti mosyon nga i-cite in contempt ken ma-detain ni Roque agingga a makapag-sumite iti kasapolan a dokumento wenno agingga malpas iti serye ti panagdengngeg ket indaulwan ni Rep. Jonathan Flores.
Kuwes-kuwestiyunaran dagiti mammanday linteg iti maipagarop a saan a mailawlawag a kinabaknang ti korporasyon ni Roque a Biancham Holdings and Trading.
Maibasar iti datos, iti uneg ti uppat a tawen, ngimmato iti P67.7 million idi 2018 manipud iti sigud a P125,000 idi 2014.
Segun kenni House Quad Committee Chair Cong. Ace Barbers, kit-kitaen da ti pakainaigan ni Roque iti illegal nga Phil. Offshore Gaming Operators wenno POGO ditoy pagilian partikular iti Lucky South 99.
Immunan nga inawagan ni Roque a’ political inquisition’ iti ar-aramiden ti Quad Committee ti Kamara kontra kenkuana ken iti pamilya Duterte.
Imbaga ni Roque a maysa daytoy a klase ti political harassment ken power trip kontra kadakuada.
