Target iti liderato ti Philippine National Police a palawaen pay dagiti maisaysayangkat nga operasion kontra ti smuggling ita a tawen.
Segun kenni acting PNP Chief, Police Lieutenant General Jose Melencio Nartatez Jr., maitunos daytoy iti direktiba ni Presidente Ferdinand Marcos Jr. a protektaran iti ekonomiya ti pagilian ket ti pagbiagan ti tunggal umili.
Mamati ni General Nartatez Jr. a ti smuggling ket saritaan met maipapaan ti hustisia para kadagiti mapagtalkan a Pilipino ken saan laeng nga kadagiti agraraira a linteg.
Maibasar iti record ti PNP, dumanon ti agarup ₱5 billion iti gatad dagiti nakumpiskar a kontrabando idi napalabas a tawen.
Manipud ti nasao a gatad, aganay ₱4.3 billion ket manipud kadagiti smuggled a sigarilyo, bayat a dagiti dadduma ket manipud ti petroleum, agricultural products, ken counterfeit goods.
Dumanon met ti 2,216 nga indibidual dagiti naarestar manipud kadagiti naisayangkat nga operasion.###
