Pinasingkedan ni Philippine National Police (PNP) Spokesperson Police Brigadier General Jean Fajardo a narekobren dagiti bangkay ti dua a biktima ti kidnapping nga isuda Anton Tan ken ti driver na a ni Armanie Pabillo sadiay Rodriguez, Rizal.
Segun kenni Fajardo, maudi a nakita a nabiag ti negosyante a ni Tan idi Marso 29, 2025 ti alas-dos ti malem idi pimmanaw iti opisina na idiay Valenzuela City.
Kinabigatan iti Marso 30, in-report ti pamilya da a mapukpukawen ti kabagian da a negosyante iti Philippine National Police – Anti Kidnapping Group (PNP-AKG) ket dita metten a pinagunay da ti Anti-kidnapping Action Team.
Ita agdama ket am-ammuen pay ti kapulisan nu kidnapping iti motibo iti krimen agsipud ta nu kidnapping iti kaso ken nakaiteden ti ransom money dagiti kabagian ti biktima ket dagos metten a mawaya-wayaan ti negosyante a ni Tan.
